తెలంగాణ రాష్ట్రంలో కరోనా ఉద్ధృతి కొనసాగుతూనే ఉంది. గడచిన 24 గంటల్లో మరో 2,384 కేసులు నమోదయ్యాయి. ఫలితంగా ఇప్పటి వరకు నమోదైన మొత్తం కేసుల సంఖ్య 1,04,249కి చేరింది. వైరస్ బారిన పడి మరో 11 మంది మరణించగా.. మొత్తం మృతుల సంఖ్య 755కి పెరిగింది.
కరోనా నుంచి కోలుకుని 1,851 మంది బాధితులు డిశ్ఛార్జి అయ్యారు. ఇప్పటి వరకు 80,586 మంది కోలుకుని ఇళ్లకెళ్లారు. రాష్ట్రంలో ప్రస్తుతం 22,908 యాక్టివ్‌ కేసులున్నాయి. తాజా కేసుల్లో జీహెచ్ఎంసీ పరిధిలో అత్యధికంగా 472 కేసులు నమోదు కాగా.. జగిత్యాల 105, గద్వాల్ 68, కామారెడ్డి 69, కరీంనగర్ 120, ఖమ్మం 105, మహబూబ్నగర్ 61, మహబూబాబాద్ 52, మంచిర్యాల 90, మల్కాజిగిరి 52 కేసులు వెలుగు చూశాయి.