ఆంధ్రప్రదేశ్ ఇంటర్ ప్రథమ, ద్వితీయ సంవత్సర ఫలితాలు బుధవారం విడుదల కానున్నాయి. ఈ మధ్యాహ్నం 12.30 గంటలకు విద్యాశాఖ మంత్రి బొత్స సత్యనారాయణ.. విజయవాడలో ఇంటర్ ఫలితాలు విడుదల చేస్తారు. మే 6 నుంచి 25 వరకు జరిగిన ఇంటర్ పరీక్షలకు 9లక్షల మందికి పైగా విద్యార్థులు హాజరయ్యారు. ఫలితాలను మంత్రి బొత్స ప్రకటించిన తర్వాత www.eenadu.net, www.bie.ap.gov.in, https://examresults.ap.nic.in వెబ్‌సైట్‌లలో పొందవచ్చు.
10 ఫెయిలైన వారికి పరీక్ష ఫీజు మినహాయింపు.. పదోతరగతి పరీక్షల్లో ఫెయిలై అడ్వాన్సుడ్ సప్లిమెంటరీ పరీక్షలు రాస్తున్న విద్యార్థులకు పరీక్ష ఫీజు చెల్లింపు నుంచి ప్రభుత్వం మినహాయింపు ఇచ్చింది. ఫెయిల్ అయిన 2,01,627 మంది విద్యార్థులకూ హాల్టికెట్లు జారీ చేయనున్నట్లు ప్రభుత్వ పరీక్షల విభాగం సంచాలకుడు దేవానందరెడ్డి తెలిపారు. హాల్టికెట్లను వెబ్సైట్లో పెడతామని పేర్కొన్నారు.