24 గంటల పాటు అప్రమత్తంగా ఉండండి: పోలీసు శాఖకు డీజీపీ సూచన

ఇంకా వర్షాలు పడే సూచనలు ఉన్నాయన్న వాతావరణ శాఖ హెచ్చరికతో మరింత అప్రమత్తంగా ఉండాలని పోలీసు సిబ్బందికి డీజీపీ సూచించారు. ఇప్పటి వరకు సేవలు అందిస్తున్న వారిని అభినందించిన ఆయన... 100/112 సేవలు వినియోగించుకోవాలని ప్రజలకు సూచించారు.

వాతావరణ శాఖ హెచ్చరికల నేపథ్యంలో పోలీసుశాఖ మరో 24 గంటల పాటు అప్రమత్తంగా ఉండాలని రాష్ట్ర డీజీపీ గౌతం సవాంగ్​ సూచించారు. ఎందరో ప్రాణాలు కాపాడి... అనేక మందిని పునరావాస కేంద్రాలకు తరలించడంలో పోలీసుశాఖ చొరవ ప్రశంసనీయమన్నారు. లోతట్టు ప్రాంతాలు వరద తీవ్రత అధికంగా ఉండే ప్రాంతాలను ప్రత్యేకంగా పర్యవేక్షించాలని సూచించారు. కలెక్టర్లు,ఎస్​డీఆర్​ఎఫ్​, ఎన్డీఆర్​ఎఫ్​ సిబ్బందితో సమన్వయం చేసుకొని పని చేయడం అభినందనీయమన్నారు. డయల్ 100/112 సేవలు వినియోగించుకోవాలని ప్రజలకు సూచించారు.

ఇదీ చదవండి: రాష్ట్రంలో భారీ వర్షాలు.. ప్రజలు అప్రమత్తంగా ఉండాలని హెచ్చరిక