మూడు రాజధానుల ప్రకటనను ప్రభుత్వం వెనక్కి తీసుకోవాలంటూ అమరావతిలో రైతులు, మహిళలు చేపట్టిన దీక్షలు 423వ రోజూ కొనసాగాయి. తుళ్లూరు, మందడం, అనంతవరం, కృష్ణాయపాలెం, ఎర్రబాలెం, అబ్బరాజుపాలెం, వెంకటపాలెం, ఉద్ధండరాయునిపాలెంలో.. పలువురు ఆందోళన నిర్వహించారు. ప్రభుత్వానికి వ్యతిరేకంగా నినాదాలు చేశారు.
రాజధానిలోని భవన నిర్మాణాలతో పాటు తమకు ఇచ్చిన ప్లాట్లను అభివృద్ధి చేయాలని రైతులు డిమాండ్ చేశారు. విశాఖ ఉక్కు పరిశ్రమను ప్రైవేటీకరించవద్దంటూ.. అనంతవరం, తుళ్లూరు మహిళలు ఐదవ రోజు నిరాహార దీక్షలు కొనసాగించారు. ఉక్కు పరిశ్రమ విషయంలో జగన్ ప్రభుత్వం స్పందించకపోతే.. ఆమరణ దీక్షకైనా వెనుకాడబోమని తేల్చిచెప్పారు.