అమరావతి ఉద్యమం ఏడాది కావొస్తున్న నేపథ్యంలో భవిష్యత్ కార్యాచరణపై గుంటూరులో రౌండ్ టేబుల్ సమావేశం నిర్వహించారు. అమరావతి పరిరక్షణ సమితి రాజకీయేతర ఐకాస ఆధ్వర్యంలో నిర్వహించిన ఈ సమావేశానికి తెదేపా నేత తెనాలి శ్రావణ్ కుమార్, జనసేన నేత బోనబోయిన శ్రీనివాసయాదవ్, సీపీఐ నేత జంగాల అజయ్ కుమార్తో పాటు పలువురు ఐకాస నేతలు హాజరయ్యారు.
ఈనెల 12 నుంచి 17 వరకు వివిధ రూపాల్లో నిరసనలు తెలపాలని కార్యాచరణ ప్రకటించారు. అందులో భాగంగా ఈ నెల 12 న గుంటూరు నగరంలో పెద్ద ఎత్తున ర్యాలీ చేపడతామని ఐకాస నేతలు తెలిపారు. 3 రాజధానుల నిర్ణయానికి వ్యతిరేకంగా గత ఏడాది నుంచి రైతులు ఉద్యమం చేస్తుంటే.. ప్రభుత్వంలో ఎలాంటి చలనం లేదని అమరావతి పరిరక్షణ ఐకాస కన్వీనర్ శివారెడ్డి విమర్శించారు.