504వ రోజుకు రాజధాని ఉద్యమం.. ఇంటి వద్దే రైతుల నిరసన

రాజధాని రైతుల, మహిళల ఆందోళనలు 504వ రోజుకు చేరాయి. అమరావతిని రాజధానిగా కొనసాగించాలని కోరుతూ..రైతులు, మహిళలు ఇంటి వద్దే నిరసన తెలిపారు.

ఏకైక రాజధానిగా అమరావతినే కొనసాగించాలని కోరుతూ రైతులు, మహిళలు 504వ రోజు ఆందోళన చేశారు. కరోనా కారణంగా.. ఇళ్ల వద్దే నిరసనలు కొనసాగించారు. ప్రభుత్వం వెంటనే కౌలు డబ్బులు చెల్లించాలంటూ.. అనంతవరంలో నిరసన చేపట్టారు. తుళ్లూరు, మందడం, అబ్బరాజుపాలెంలో మహిళలు ఇంటి వద్దే నిరసన దీక్షలు కొనసాగించారు.

సబ్బం హరికి నివాళులు

అమరావతికి మద్దతు ప్రకటించిన మాజీ ఎంపీ సబ్బం హరి.. మరణించడంపై రైతులు, మహిళలు నివాళులర్పించారు. బోరుపాలెం, వెలగపూడిలో మహిళా రైతులు.. సబ్బం హరి మృతికి సంతాప సూచకంగా రెండు నిమిషాలు మౌనం పాటించారు.

ఇదీ చదవండి: