ఏపీ వాటర్‌ గ్రిడ్‌ కోసం నిధుల వేట... సమీకరణకు ప్రభుత్వం అనుమతి

ఏపీ వాటర్‌ గ్రిడ్‌ ద్వారా ఇంటింటికీ తాగునీటి కోసం నిధుల సమీకరణకు ప్రభుత్వం అనుమతించింది. ఈ మేరకు ప్రభుత్వం ఉత్తర్వులు జారీ చేసింది. పంచాయతీరాజ్ శాఖ ముఖ్యకార్యదర్శి జి.కె.ద్వివేది ఉత్తర్వులు వెలువరించారు. బ్యాంకులు, నాబార్డు, ప్రైవేటు సంస్థల నుంచి నిధుల సేకరించనున్నారు.

ఏపీ వాటర్ గ్రిడ్ పథకం కోసం నిధుల వేటలో పడింది ప్రభుత్వం. ఇంటింటికీ తాగునీరు అందించే లక్ష్యంతో ఈ గ్రిడ్‌ ఏర్పాటు చేసింది. ఈ పనులు కోసం నిధుల సమీకరణకుపంచాయతీరాజ్ శాఖ ముఖ్యకార్యదర్శి గోపాలకృష్ణ ద్వివేదిఅనుమతి ఇచ్చారు. ప్రభుత్వ రంగ బ్యాంకులు, నాబార్డ్, బయటి సంస్థల నుంచి రుణాలు, ప్రభుత్వ-ప్రైవేటు భాగస్వామ్యం తదితర విధానాల ద్వారా నిధులు సేకరించాలని జీవోలో పేర్కొన్నారు. దశల వారీగా చేపట్టనున్న ఈ ప్రాజెక్టు కోసం... రూ.47 వేల కోట్ల మేర ఖర్చవుతుందని ప్రభుత్వం అంచనా వేస్తోంది.

ఇదీ చదవండీ... ప్రమాదంలో విద్యార్థులకు గాయాలు... ఆస్పత్రికి తరలించిన జేసీ