'ఎస్​ఈసీ కేవియెట్ పిటిషన్​ వెనుక రాజకీయ దురుద్దేశం'

స్థానిక ఎన్నికలకు తిరిగి నోటిషికేషన్ ఇచ్చే ముందు ప్రభుత్వాన్ని సంప్రదించాలని ఎస్​ఈసీకి సుప్రీం ఆదేశాలిచ్చిందని అడ్వొకేట్ జనరల్ శ్రీరామ్ చెప్పారు. ప్రస్తుత పథకాలన్నీ కొనసాగించవచ్చని ధర్మాసనం స్పష్టం చేసిందన్నారు.

స్థానిక సంస్థల ఎన్నికలకు తదుపరి నోటిఫికేషన్ విడుదల చేసే ముందు ప్రభుత్వాన్ని సంప్రదించాలని ఎన్నికల కమిషన్​ను సుప్రీంకోర్టు ఆదేశించిందని అడ్వొకేట్ జనరల్ శ్రీరామ్ తెలిపారు. దిల్లీ నుంచి వచ్చిన ఆయన శంషాబాద్ విమానాశ్రయంలో మాట్లాడారు. రాష్ట్రంలోని ప్రస్తుత అభివృద్ధి పథకాలన్నింటిని కొనసాగించొచ్చని.. ఈ మేరకు సుప్రీం ఆదేశాలిచ్చిందని శ్రీరామ్ తెలిపారు. ఎన్నికల కమిషన్ వేసిన కేవియెట్ పిటిషన్ వెనుక రాజకీయ దురుద్దేశం ఉందని వాదించినట్లు ఆయన స్పష్టం చేశారు.

ఇదీ చదవండి :ఎన్నికల కోడ్ రద్దు.. వాయిదా కొనసాగింపు.. కొత్త పథకాలు వద్దు..