తిప్పేస్వామి స్థానంలో ఆదిమూలపు సురేశ్.. చివరి నిమిషంలో మార్పు

17:54 April 10

ఆదిమూలపు సురేశ్‌కు మంత్రివర్గంలో స్థానం

ప్రకాశం జిల్లా నుంచి ఆదిమూలపు సురేశ్‌కు మంత్రివర్గంలో స్థానం దక్కింది. కొత్త మంత్రివర్గ జాబితా నుంచి తిప్పేస్వామిని తప్పిస్తూ.. చివరి నిమిషంలో ఆదిమూలపు సురేశ్​కు అవకాశం కల్పించారు.

25 మందితో కొత్త కేబినెట్:రాష్ట్ర కొత్త కేబినెట్ ఖరారైంది. ఎన్నో కసరత్తులు.. మరెన్నో సమీకరణాలు.. ఇంకెన్నో కూడికలు, ఎన్నెన్నో తీసివేతల తర్వాత నూతన మంత్రివర్గం కూర్పు ఫైనల్ అయ్యింది. మొత్తం 25 మందిని కేబినెట్లోకి తీసుకున్నారు ముఖ్యమంత్రి జగన్. నూతన మంత్రివర్గం రేపు (సోమవారం) ఉదయం కొలువుదీరనుంది. గడిచిన మూడురోజులుగా మంత్రివర్గం కూర్పుపై ఎన్నో మంతనాలు సాగించిన సీఎం.. ఎట్టకేలకు ఆదివారం సాయంత్రానికి తుదిజాబితాను ఖరారు చేశారు. రేపు ఉదయం 11.31 గంటలకు వెలగపూడిలోని రాష్ట్ర సచివాలయం పక్కన ఉన్న పార్కింగ్‌ స్థలంలో.. మంత్రుల ప్రమాణస్వీకార కార్యక్రమాన్ని నిర్వహించనున్నారు. కాగా.. మంత్రివర్గంపై ఇంకా అధికారిక ప్రకటన రాలేదు. మంత్రుల పేర్లను ఖరారు చేసి.. ఈ జాబితాను రాజ్​భవన్​కు పంపించారు.
కొత్త మంత్రివర్గం జాబితా ఇదే :

పేరు	జిల్లా	సామాజికవర్గం
ధర్మన ప్రసాద రావు	శ్రీకాకుళం	వెలమ
సీదిరి అప్పలరాజు	శ్రీకాకుళం	మత్స్యకార
బొత్స సత్యనారాయణ	విజయనగరం	తూర్పు కాపు
రాజన్న దొర	పార్వతీపురం	ఎస్టీ
గుడివాడ అమర్‌నాధ్‌	అనకాపల్లి	కాపు
ముత్యాలనాయుడు	అనకాపల్లి	కొప్పుల వెలమ
దాడిశెట్టి రాజా	కాకినాడ	కాపు
పినిపె విశ్వరూప్‌	కోనసీమ	ఎస్టీ
చెల్లుబోయిన వేణుగోపాల కృష్ణ	కోనసీమ	బీసి - శెట్టి బలిజ
తానేటి వనిత	తూర్పుగోదావరి	మాదిగ - ఎస్సీ
కారుమూరి నాగేశ్వరరావు	పశ్చిమ గోదావరి	యాదవ - బీసీ
కొట్టు సత్యనారాయణ	పశ్చిమ గోదావరి	కాపు
జోగి రమేష్	కృష్ణా	గౌడ - బీసీ
అంబటి రాంబాబు	పల్నాడు	కాపు
మేరుగ నాగార్జున	బాపట్ల	ఎస్సీ
విడదల రజని	గుంటూరు	బీసీ
కాకాణి గోవర్దన్​ రెడ్డి	నెల్లూరు	ఓసీ - రెడ్డి
అంజద్‌ బాషా	కడప	మైనార్టీ
బుగ్గన రాజేంద్రనాథ్​ రెడ్డి	నంద్యాల	ఓసీ - రెడ్డి
గుమ్మనూరు జయరాం	కర్నూలు	ఓసీ - బోయ
పెద్దిరెడ్డి రామచంద్రారెడ్డి	చిత్తూరు	ఓసీ - రెడ్డి
నారాయణ స్వామి	చిత్తూరు	ఎస్సీ
ఆర్‌ కే రోజా	చిత్తూరు	ఓసీ - రెడ్డి
ఉషా శ్రీ చరణ్‌	అనంతపురం	కురుమ- బీసీ
ఆదిమూలపు సురేశ్‌	ప్రకాశం	ఎస్సీ

ఇదీ చదవండి: బాలినేని శ్రీనివాసరెడ్డి ఇంటికి సజ్జల.. మంత్రివర్గ విస్తరణపై చర్చ