ఇంత తొందరగా వెళ్లిపోయావా.. రాజేంద్రప్రసాద్ భావోద్వేగం

డార్లింగ్ ఏంటీ అన్యాయం.. చాలా అన్యాయం ఇది. ఘంటసాల గారే తొందరగా వెళ్లిపోయారనుకుంటే మీరు కూడా గంధర్వులలో కలిసిపోయారా..? చాలా అన్యాయం ఇది... అంటూ సినీనటుడు రాజేంద్రప్రసాద్.. ఎస్పీబీ మరణంపై తీవ్ర విచారం వ్యక్తం చేశారు.

లేడీస్ టైలర్ సినిమాకు డార్లింగ్ పాటను పాడిన ఎస్పీబీ... ఆ పాట అనంతరం తనకు కొన్ని వందల పాటలు పాడారని గుర్తు చేసుకున్నారు సినీనటుడు రాజేంద్రప్రసాద్. తన చిత్రాల్లో ఎన్నో మరుపురాని పాటలు పాడిన బాలు... ఇంత త్వరగా వెళ్లిపోతారని ఊహించలేదని రాజేంద్రప్రసాద్ కన్నీటి పర్యంతమయ్యారు.

" మనిషి జీవితంలో రెండే గుర్తుంటాయి. ఒకటి పెళ్లి, రెండు చావు. ఈ రెండింటికి సంబంధించిన అద్భుతమైన పాటలు నాకు పాడారు. మమ్మల్ని వీడి వెళ్లడం నాకు అస్సలు నచ్చలేదు."

--- రాజేంద్రప్రసాద్, సినీనటుడు