తెలంగాణలోని జగిత్యాల జిల్లా మెట్పల్లిలో పట్టపగలే దారుణం జరిగింది. నడి రోడ్డుపైన ఓ వ్యక్తిని... దుండగులు కిరాతకంగా హత్య చేశారు. మెట్పల్లి మండలం వెంపేటకు చెందిన దనరేకుల రాజేందర్ను నడిరోడ్డుపై గొడ్డలితో నరికి చంపారు. గ్రామంలో ఉపాధి పనికి వెళ్లిన రాజేందర్... పని ముగించుకుని ద్విచక్రవాహనంపై వస్తుండగా గొడ్డలితో దాడి చేశారు.
నడిరోడ్డుపై వ్యక్తి దారుణ హత్య
గుర్తుతెలియని దుండగులు ఓ వ్యక్తిని నడిరోడ్డుపైనే కిరాతకంగా నరికి చంపిన ఘటన తెలంగాణలోని జగిత్యాల జిల్లా మెట్పల్లిలో జరిగింది. వెంపేట గ్రామానికి చెందిన రాజేందర్ను దారుణంగా హత్య చేశారు.
సంఘటన స్థలాన్ని పరిశీలిస్తున్న పోలీసులు
తీవ్రంగా గాయపడిన యువకుడు అక్కడికక్కడే మృతిచెందాడు. ఘటనా స్థలికి చేరుకున్న మెట్పల్లి పోలీసులు కేసు నమోదు చేసుకుని దర్యాప్తు చేస్తున్నారు. హత్యకు గల కారణాలపై పలు కోణాల్లో విచారిస్తున్నారు. నిందితుల కోసం గాలిస్తున్నారు.