హైదరాబాద్ జూబ్లీహిల్స్ పోలీస్ స్టేషన్‌ పరిధిలోని కార్మిక నగర్‌లో ఓ వ్యక్తి దారుణ హత్యకు గురయ్యాడు. స్థానికంగా ఓ అపార్ట్‌మెంట్‌లో అద్దెకు ఉంటున్న 38ఏళ్ల సిద్దిఖ్ అహ్మద్ అనే వ్యక్తిని గుర్తు తెలియని వ్యక్తులు దారుణంగా హత్య చేశారు. అనంతరం మృతదేహాన్ని ఇంట్లోనే ఉన్న ఫ్రిజ్లో ఉంచి ఇంటిబయట తాళం వేసి వెళ్లిపోయారు.
ఇంటివద్దే నక్కాడు.. చంపి ఫ్రిజ్లో కుక్కాడు! - జూబ్లీహిల్స్ నేర వార్తలు
ఓ వ్యక్తిని హత్య చేసి ఫ్రిజ్లో ఉంచిన ఘటన హైదరాబాద్ కార్మికనగర్లో జరిగింది. కేసు నమోదు చేసుకున్న పోలీసులు విచారణ చేపట్టారు.
సిద్దిఖ్ అహ్మద్
ఇంటి నుంచి దుర్వాసన రావడంతో అపార్ట్‌మెంట్ యజమాని స్థానిక పోలీసులకు సమాచారం అందించారు. ఘటనా స్థలానికి చేరుకున్న పోలీసులు ఇంటి తాళం పగులగొట్టి లోపలికి వెళ్లి చూడగా ఫ్రిజ్లో సిద్దిఖ్ మృతదేహం వెలుగుచూసింది. రెండు రోజుల క్రితమే మృతుని భార్య రుబీనా తన పిల్లలతో కలిసి పుట్టింటికి వెళ్లింది. ఆస్తి తగాదాలా? లేక మరేదైనా కారణంతో హత్య చేశారా అనే కోణంలో దర్యాప్తు చేస్టున్నట్లు పోలీసులు తెలిపారు.
ఇదీ చదవండి:తిమ్మాపురంలో దారుణం... చిన్నారి మూతిపై వాతపెట్టిన అంగన్వాడీ ఆయా