హైదరాబాద్లోని అపోలో హాస్పిటల్స్‌ గ్రూపు.. తన సారథ్యంలోని ఆసుపత్రుల్లో 3డి- ప్రింటింగ్‌ ల్యాబ్స్‌ ఏర్పాటు చేయనుంది. ఇందుకోసం అనాటమిజ్‌ 3డి మెడ్‌టెక్‌ ప్రైవేట్‌ లిమిటెడ్‌ సంస్థతో జట్టు కట్టింది. రోగులకు అవసరమైన వైద్య ఉపకరణాలను ఈ ల్యాబ్స్‌లో సిద్ధం చేసే అవకాశం ఉంటుందని అపోలో హాస్పిటల్స్‌ గ్రూపు ఛైర్మన్‌ డాక్టర్‌ ప్రతాప్‌ సి.రెడ్డి తెలిపారు. భవిష్యత్తులో ఈ అధునాతన సాంకేతిక పరిజ్ఞానం వైద్యరంగంలో అత్యంత క్రియాశీలక పాత్ర పోషిస్తుందని విశ్లేషించారు.
47 ఆసుపత్రులలో..
దేశవ్యాప్తంగా ఉన్న 47 అపోలో హాస్పిటల్స్‌లో అధునాతన ఆర్థోపెడిక్‌ శస్త్రచికిత్సా కేంద్రాలున్నాయి. ఈ కేంద్రాలు 3డీ- ప్రింటింగ్‌ టెక్నాలజీని వినియోగించుకుంటాయని అపోలో హాస్పిటల్స్‌ జాయింట్‌ ఎండీ సంగీతారెడ్డి వివరించారు. రోగులకు బలమైన, తేలికైన, భద్రమైన వైద్య పరికరాలను అతి తక్కువ సమయంలో, తక్కువ ధరలో అందించే అవకాశం ఇందువల్ల ఏర్పడుతుందన్నారు. ఈ విభాగ పరిమాణం 2020లో 1,200 కోట్ల డాలర్లు కాగా, 2025 నాటికి 12,000 కోట్ల డాలర్లకు చేరుకునే అవకాశం ఉందని తెలిపారు.
రోగికి అనుగుణంగా..