రాష్ట్రంలో కొత్తగా 220 కరోనా కేసులు

రాష్ట్రంలో కరోనా వ్యాప్తి తగ్గుముఖం పట్టింది. గడచిన 24 గంటల్లో 17,735 నమూనాలు పరీక్షించగా.. కొత్తగా 220 కరోనా కేసులు నమోదయ్యాయి.

రాష్ట్రంలో కరోనా వ్యాప్తి తగ్గుముఖం పట్టింది. గడచిన 24 గంటల్లో 17,735 నమూనాలు పరీక్షించగా.. కొత్తగా 220 కరోనా కేసులు నమోదయ్యాయి. కొవిడ్‌ వల్ల నిన్న చిత్తూరు జిల్లాలో ఒకరు, కృష్ణా జిల్లాలో ఒకరు మరణించారు. కరోనా బారి నుంచి నిన్న 472 మంది పూర్తిగా కోలుకున్నారు. రాష్ట్రంలో ప్రస్తుతం 4,927 యాక్టివ్‌ కేసులు ఉన్నాయని వైద్యారోగ్యశాఖ బులిటెన్‌లో తెలిపింది.

దేశంలో స్వల్పంగా తగ్గిన కేసులు...

దేశంలో కరోనా కొత్త కేసులు క్రితం రోజుతో పోలిస్తే స్వల్పంగా తగ్గాయి. బుధవారం ఉదయం నుంచి గురువారం ఉదయం వరకు.. 14,148 కేసులు నమోదయ్యాయి. 24 గంటల వ్యవధిలో 302 మంది మరణించారు. 30,009 మంది కోలుకున్నారు. పాజిటివిటీ రేటు 1.22శాతానికి పరిమితమైంది.

ఇదీ చదవండి:Corona cases in india: దేశంలో కొత్తగా 14,148 కరోనా కేసులు