తెలంగాణలో కరోనా వైరస్ క్రమంగా తగ్గుముఖం పడుతోంది. మంగళవారం సాయంత్రం 5 గంటల నుంచి బుధవారం సాయంత్రం వరకు లక్షా 16 వేల 252 పరీక్షలు చేయగా 1,489 కేసులు నమోదైనట్లు వైద్యారోగ్య శాఖ వెల్లడించింది. వాటితో కలిపి మెుత్తం కేసుల సంఖ్య 6 లక్షల 7 వేల 925కి చేరిందని వివరించింది. వైరస్ దాటికి మరో 11 మంది మృతిచెందగా.. మరణాల సంఖ్య 3 వేల 521కి పెరిగింది. మహమ్మారి బారి నుంచి మరో 1,436 మంది కోలుకోగా 5 లక్షల 84 వేల 249 మంది వైరస్‌ను జయించారని పేర్కొంది. జీహెచ్ఎంసీ (GHMC) పరిధిలో 175 కొవిడ్‌ కేసులు వెలుగు చూశాయి. నల్గొండ జిల్లాలో 131, ఖమ్మం జిల్లాలో 118 మందికి పాజిటివ్‌ తేలింది.
Telangana Corona Cases: కొత్తగా 1,489 కేసులు, 11 మరణాలు
తెలంగాణలో కొత్తగా 1,489 కరోనా కేసులు నమోదయ్యాయి. ఇప్పటివరకు మొత్తం కేసుల సంఖ్య 6 లక్షల 7 వేల 925కి చేరింది. వైరస్ బారిన పడి మరో 11 మంది చనిపోయారు.
telangana corona cases