పంచాయతీ పోరు: తొలిరోజు 1,315 నామినేషన్లు దాఖలు

పంచాయతీ ఎన్నికల పోరు వేగవంతమవుతోంది. సర్పంచ్ స్థానాలకుగానూ 12 జిల్లాల్లో తొలి రోజు 1315 నామినేషన్లు దాఖలు కాగా.. వార్డుల్లో 2200 నామినేషన్లు వేసినట్లు రాష్ట్ర ఎన్నికల సంఘం వెల్లడించింది. అత్యధికంగా తూర్పుగోదావరి జిల్లాలో దాఖలైనట్లు వెల్లడించింది.

రాష్ట్రంలో విజయనగరం మినహా 12 జిల్లాల్లోని పంచాయతీల్లో తొలిదఫా ఎన్నికలకు సంబంధించి నామినేషన్ల దాఖలు ప్రక్రియ శుక్రవారం ప్రారంభమైంది. 12 జిల్లాలో 18 రెవెన్యూ డివిజన్లు 168 మండలాల్లో నామినేషన్ల దాఖలు ప్రక్రియ జరుగుతోంది. ఉదయం 10.30 గంటల నుంచి సాయంత్రం 5 గంటల వరకు కొనసాగింది. అత్యధికంగా తూర్పుగోదావరి జిల్లా(248), అత్యల్పంగా నెల్లూరు జిల్లా (27)లో నామినేషన్లు వేశారు.

1315 నామినేషన్లు...

తొలిరోజున 12 జిల్లాల్లోని పలు పంచాయతీల్లో మొత్తం 1315 నామినేషన్లు దాఖలైనట్లు రాష్ట్ర ఎన్నికల సంఘం తెలిపింది. శ్రీకాకుళం -141, విశాఖపట్నం-194,తూ.గో-248, పశ్చిమగోదావరి జిల్లా- 82, గుంటూరు-127,కృష్ణా-63 ,నెల్లూరు -27 నామినేషన్లు దాఖలయ్యాయి.ప్రకాశం జిల్లాలో 41, అనంతపురం-77, చిత్తూరు -157, కడప -73, కర్నూలు -85 నామినేషన్లు వేశారు.

వార్డుల్లో ఇలా...

తొలిరోజు 12 జిల్లాల్లోని పలు వార్డుల్లో 2200 నామినేషన్లు దాఖలైనట్లు రాష్ట్ర ఎన్నికల సంఘం తెలిపింది. శ్రీకాకుళం జిల్లాలో 138, విశాఖపట్నం-360, తూ.గో-648,పశ్చిమ గోదావరి 144, గుంటూరు- 217, కృష్ణా -147,నెల్లూరు-46, ప్రకాశం- 65,అనంతపురం -76, చిత్తూరు - 105, కడప - 98, కర్నూలు జిల్లాలోని వార్డుల్లో 156 నామినేషన్లు దాఖలయ్యాయి. ఇవాళ, రేపు కూడా నామినేషన్ల దాఖలు ప్రక్రియ కొనసాగనుంది.

ఇదీ చదవండి