పొట్టలో డ్రగ్స్ పెట్టుకున్నాడు.. ఎయిర్ పోర్టు దాటేలోగా..

'వీడొక్కడే' సినిమాలో డ్రగ్స్​ సరఫరా చేయడం కోసం విలన్​.. కొందరితో క్యాప్సూల్స్​ మింగించి.. అవి అరగకుండా కడుపులో భద్రపరిచి దేశం దాటిస్తాడు. వాటిని విదేశాలకు తరలించి సొమ్ము చేసుకుంటాడు. అలాంటి సన్నివేశమే హైదరాబాద్​ శంషాబాద్​ విమానాశ్రయంలో చోటుచేసుకుంది. కాకపోతే ఇతను ఎయిర్ పోర్టు దాటలేకపోయాడు. అంతే కాదు.. ఇతగాడు మింగిన డ్రగ్స్ లెక్క చూసి అధికారులు, వైద్యులు అవాక్కయ్యారు.

Heroin Seized: డబ్బు సంపాదన కోసం ఎన్నో అక్రమ మార్గాలు. అందులో ఒకటి డ్రగ్స్​ రవాణా. పోలీసులు, అధికారులు ఎంత నిఘా పెట్టినా.. వారి కళ్లు గప్పి దేశాలు దాటిస్తూనే ఉన్నారు. బ్యాగులు, ప్యాకెట్లు ఇలా ఒకటేమిటి.. నానా మార్గాల్లో వాటిని సరఫరా చేస్తూనే ఉన్నారు. అధికారులకు పట్టుబడుతూనే ఉన్నారు. విదేశాల నుంచి హైదరాబాద్​కు మత్తు అక్రమ రవాణాలో.. ఇప్పటికే శంషాబాద్ విమానాశ్రయంలో రూ. కోట్ల విలువైన మాదకద్రవ్యాలు పట్టుబడ్డాయి. ఇలా అయితే దొరికిపోతాం అనుకున్నారేమో.. మరో పద్ధతిని అవలంభిస్తున్నారు. అదే క్యాప్సూల్స్​ రూపంలో.

'వీడొక్కడే' సినిమాలో డ్రగ్స్​ సరఫరా చేయడం కోసం విలన్​.. కొందరితో క్యాప్సూల్స్​ మింగించి.. అవి అరగకుండా కడుపులో భద్రపరిచి దేశం దాటిస్తాడు. వాటిని విదేశాలకు తరలించి సొమ్ము చేసుకుంటాడు. అలాంటి సన్నివేశమే హైదరాబాద్​ శంషాబాద్​ విమానాశ్రయంలో చోటుచేసుకుంది. గత నెల 26న జోహనెస్‌బర్గ్‌ నుంచి హైదరాబాద్‌కు వచ్చిన టాంజానియా ప్రయాణికుడిని అనుమానంతో కస్టమ్స్​ ఇంటిలిజెన్స్​ అధికారులు అదుపులోకి తీసుకున్నారు. అతడిని క్షుణ్నంగా తనిఖీ చేశారు. నిందితుడు హెరాయిన్​ క్యాప్సూల్స్​ మింగినట్లు గుర్తించారు.

దీంతో అత‌నిని వైద్యుల ప‌ర్యవేక్షణ‌లో ఉంచారు. ఆరు రోజుల‌పాటు వైద్యుల ప‌ర్యవేక్షణ‌లో ఉంచి ప్రయాణికుడి నుంచి హెరాయిన్ క్యాప్సూల్స్‌ను క‌డుపులో నుంచి బ‌య‌ట‌కు తీశారు. వెలికితీసిన మొత్తాన్ని లెక్కేశాక అధికారులు, వైద్యులు అవాక్కయ్యారు. ఎందుకంటే అతను మింగింది ఏ పదో.. ఇరవయ్యో కాదు.. ఏకంగా 109. వాటి విలువ తేల్చాక విస్తుపోయారు. మొత్తం 109 క్యాప్సూల్స్​లో హెరాయిన్​ బరువు 1,389 గ్రాములు ఉండగా.. వీటి విలువ అంతర్జాతీయ మార్కెట్​లో రూ. 11.53 కోట్లు ఉంటుందని అధికారులు నిర్ధరించారు. వాటిని స్వాధీనం చేసుకున్నారు.

ఇవీ చదవండి: