గోదావరిపురంలో తెదేపా ఏజెంట్​పై వైకాపా కార్యకర్తల దాడి

శ్రీకాకుళం జిల్లా గోదావరిపురంలో వైకాపా కార్యకర్తలు రెచ్చిపోయారు. వేరొకరి ఓటును వేసేందుకు ప్రయత్నించగా.. అడ్డుకున్న తెదేపా బూత్ ఏజెంట్​పై దాడి చేసి తీవ్రంగా గాయపరిచారు. దాడిలో గాయపడిన వ్యక్తి పలాస ఆసుపత్రిలో చికిత్స పొందుతున్నారు.

శ్రీకాకుళం జిల్లా పలాస మండలం గోదావరిపురంలో తెదేపా పోలింగ్ ఏజెంట్ మార్కండేయులుపై వైకాపా కార్యకర్తలు దాడి చేశారు. వేరొకరి ఓటు వేసేందుకు ప్రయత్నించిన వైకాపా నేతలను మార్కండేయులు అడ్డుకున్నారు. ఈ విషయమై ఇరువర్గాల మధ్య వాగ్వాదం జరిగింది. కోపోద్రిక్తులైన వైకాపా నేతలు తనపై దాడి చేసి గాయపరిచారని మార్కండేయులు కాశిబుగ్గ పోలీసులకు ఫిర్యాదు చేశారు. గాయాలపాలైన మార్కండేయులును పలాస ప్రభుత్వాసుపత్రికి తరలించారు.

ఇవీ చూడండి :రిగ్గింగ్ జరుగుతుందని తెలిసి వెళ్లా: కోడెల