సంపదలో కొంత సమాజానికి ఇచ్చేద్దాం: వెంకయ్య

రెండు రోజుల పర్యటనకు రాష్ట్రానికి వచ్చి ఉపరాష్ట్రపతి వెంకయ్య... స్వర్ణభారత్‌ ట్రస్టులో నిర్వహించిన కార్యక్రమాల్లో పాల్గొన్నారు. ఉచిత వైద్యశిబిరాన్ని ప్రారంభించారు. ఒంగోలు జాతి పశువులపై రాసిన పుస్తకాన్ని ఆవిష్కరించారు. అనారోగ్యంతో బాధపడుతున్న ఓ చిన్నారికి రూ. 50 వేలు సాయం అందించారు.

కృష్ణాజిల్లా ఆత్కూరులోని స్వర్ణభారత్ ట్రస్ట్‌లో ఏర్పాట్లు చేసిన వివిధ కార్యక్రమాల్లో ఉపరాష్ట్రపతి వెంకయ్య నాయుడు పాల్గొన్నారు. ట్రస్టు ఆధ్వర్యంలో ప్రతి నెలా ఉచిత వైద్యశిబిరాన్ని ఏర్పాటు చేస్తున్న సిబ్బందిని అభినందించారు. కాలానుగుణంగా వచ్చే కూరగాయలు, పండ్లు తినాలని అప్పుడే ఆరోగ్యాన్ని కాపాడుకోవచ్చని సూచించారు. ఆహారం అతిగా తినడం వల్లే రోగాలు చుట్టుముడుతున్నాయని అభిప్రాయపడ్డారు. సంపాదనలో కొంతభాగం సమాజానికి వెచ్చించాలని హితవుపలికారు.

పశుసంపద, పాడిపై మక్కువ ఎక్కువ: వెంకయ్య
ఒంగోలుజాతి పశువుల అభివృద్ధిపై ముళ్లపూడి నరేంద్రనాథ్‌ రాసిన పుస్తకాన్ని వెంకయ్య ఆవిష్కరించారు. అదే వేదికపై యడ్లవల్లి వెంకటేశ్వరరావును ఉపరాష్ట్రపతి సన్మానించారు.

ఈనాడు కథనానికి స్పందన- రూ. 50 వేలు సాయం

చిన్నారి సాయిశ్రీపై ఈనాడులో వచ్చిన కథనానికి స్పందించిన వెంకయ్య... 50 వేలు ఆర్థిక సాయం చేసేందుకు ముందుకొచ్చారు.