ఈ ఏడాది ఖైరతాబాద్ గణపతి రూపం ఇదే
గణపతి నవరాత్రులు అనగానే అందరి మదిలో టక్కున మెదిలేది హైదరాబాద్ ఖైరతాబాద్ మహాగణేశుడే. వినాయకుని పండుగ దగ్గరపడిందంటే చాలు... ఖైరతాబాద్ గణేశుని ఎత్తు, రూపంపై జోరుగా చర్చ జరుగుతుంటుంది. ప్రతి సంవత్సరం ఒక ప్రత్యేకమైన రూపంలో ఇక్కడి వినాయకుడు దర్శనమిస్తుంటాడు. అలాగే ఈ ఏడాది సైతం శ్రీ ద్వాదశదిత్య ఆకృతిలో అందరి ముందుకు రాబోతున్నాడు. 61 అడుగుల ఎత్తుతో నిర్మించే ఈ ఖైరతాబాద్ గణేశుడికి కుడివైపున విష్ణు, ఏకాదశి దేవి... అలాగే ఎడమ వైపు బ్రహ్మా, విష్ణు మహేశ్వరులు , దుర్గాదేవి కొలువుతీరనున్నారు.