తిరుమలకు తెలంగాణ సీఎం కేసీఆర్.. ఘన స్వాగతం

తిరమల శ్రీవారి దర్శన నిమిత్తం.. తెలంగాణ ముఖ్యమంత్రి కేసీఆర్ తిరుపతి చేరుకున్నారు. రోడ్డు మార్గంలో తిరుమల వెళ్లారు.

తెలంగాణ ముఖ్యమంత్రి కేసీఆర్.. తిరుపతి చేరుకున్నారు. హైదరాబాద్ నుంచి విమానంలో రేణిగుంట విమానాశ్రయానికి చేరిన కేసీఆర్​కు.. వైకాపా నేతలు రెడ్డప్ప, పెద్దిరెడ్డి, చెవిరెడ్డి, కరుణాకర్‌రెడ్డి, చింతల, ఆదిమూలం, నవాజ్ బాషా ఘన స్వాగతం పలికారు. కాసేపు.. వారితో ముచ్చటించారు. అనంతరం.. రోడ్డుమార్గాన తిరుమలకు వెళ్లారు.

తిరుమలలోనూ కేసీఆర్​కు ఘన స్వాగతం లభించింది. శ్రీకృష్ణ అతిధి గృహం వద్ద తితిదే ఈఓ సింఘాల్, జేఈవో శ్రీనివాసరాజు, పలువురు వైకాపా నాయకులు కేసీఆర్ ను స్వాగతించారు. రాత్రికి శ్రీకృష్ణ అతిథి గృహంలోనే ఆయన బస చేయనున్నారు. సోమవారం ఉదయం ఐదున్నర గంటలకు కుటుంబసభ్యులతో కలిసి శ్రీవారిని కేసీఆర్ దర్శించుకుంటారు.