రాష్ట్ర స్థాయి పవర్ లిఫ్టింగ్ పోటీలు గుంటూరు జిల్లా మంగళగిరిలో జరిగాయి. స్వ్కాడ్, బెంచ్ ప్రెస్, డెడ్ లిఫ్ట్ విభాగాలలో పోటీలు నిర్వహించారు. జూనియర్స్, సీనియర్స్ విభాగాలలో మొత్తం 350 మంది క్రీడాకారులు ఈ పోటీల్లో పాల్గొన్నారు. 53 కిలోల విభాగంలో విశాఖకు చెందిన పవన్‌ సత్యకుమార్‌ ప్రథమ స్థానంలో గెలుచుకోగా, కడపకు చెందిన నరేంద్ర, మురళీకృష్ణ, ద్వితీయ, తృతీయ స్థానాల్లో నిలిచారు. 59 కిలోల విభాగంలో విశాఖకు చెందిన యశ్వంత్‌, ఎస్‌.ప్రశాంత్‌కుమార్‌లు, ప్రథమ, ద్వితీయ నిలవగా, గుంటూరుకు చెందిన పి.భరత్కుమార్‌ తృతీయస్థానాన్ని దక్కించుకున్నారు.
66 కేజీల విభాగంలో విశాఖకు చెందిన ప్రసాద్‌ ప్రథమ స్థానం, ప్రకాశం జిల్లాకు చెందిన చిరంజీవిరెడ్డి ద్వితీయ స్థానం గుంటూరు జిల్లాకు చెందిన అశోక్‌కుమార్‌ తృతీయ స్థానంలో నిలిచారు. 74 కేజీల విభాగంలో విశాఖకు చెందిన కె.సాయిచంద్‌, బి.అనిల్‌కుమార్‌, ప్రథమ, ద్వితీయ బహుమతులు గెలవగా, గుంటూరు జిల్లాకు చెందిన పవన్‌కుమార్‌ మూడో స్థానంలో నిలిచారు. 59 కిలోల సీనియర్‌ విభాగంలో కృష్ణా జిల్లాకు చెందిన సతీష్‌కుమార్‌, కె.యశ్వంత్‌, ప్రథమ, ద్వితీయ స్థానాలు దక్కించుకోగా, విజయనగరం జిల్లాకు చెందిన ఎస్‌. ప్రశాంత్‌కుమార్‌ తృతీయ స్థానంలో నిలిచారు.