కాంగ్రెస్ ఎన్నికల ప్రణాళికలో.. ఏపీకి ప్రత్యేక హోదా

సార్వత్రిక ఎన్నికల మేనిఫెస్టోను కాంగ్రెస్ విడుదల చేసింది. ఇప్పటికే ఎన్నో వేదికల మీద ఆంధ్రప్రదేశ్​కు ప్రత్యేక హోదా ఇస్తామని చెప్పిన పార్టీ జాతీయ అధ్యక్షుడు.. మేనిఫెస్టో విడుదల సందర్భంగా మరోసారి ప్రస్తావించారు. మేనిఫెస్టోలనూ ఈ విషయాన్ని పొందుపరిచామన్నారు.

కాంగ్రెస్ పార్టీ ఎన్నికల ప్రణాళికవిడుదల చేసింది. దేశ ప్రజలకు ఎన్నో హామీలు ఇచ్చింది. ఇప్పటికే ఎన్నో వేదికల మీద ఆంధ్రప్రదేశ్​కు ప్రత్యేక హోదా ఇస్తామని చెప్పిన కాంగ్రెస్ అధ్యక్షుడు ఇప్పుడు అదే విషయాన్ని మేనిఫెస్టోలో పొందుపరిచారు. 2014 ఫిబ్రవరి 20న అప్పటి ప్రధాని మన్మోహన్ సింగ్ ఏపీకి ప్రత్యేక హోదా హామీ ఇచ్చారు. అధికారంలోకి రాగానే రాజ్యసభలో ఇచ్చిన ఆ హామీని నెరవేరుస్తామని రాహుల్ గాంధీ స్పష్టంచేశారు. ప్రత్యేక హోదాతో ఆంధ్రుల ఆకాంక్షలను నెరవేరుస్తామని పునరుద్ఘాటించారు.

ఇవీ చదవండి.