రెండోరోజు సీబీఐ విచారణకు కోల్​కతా సీపీ ​​

బంగాల్​ శారదా కుంభకోణం విచారణలో భాగంగా కోల్​కతా పోలీసు కమిషనర్​ రాజీవ్​కుమార్​ను సీబీఐ ​ రెండోరోజూ ప్రశ్నిస్తోంది. తొలిరోజు రాజీవ్​ను దాదాపు తొమ్మిది గంటలు విచారించారు అధికారులు.

కోల్​కతా పోలీస్​ కమిషనర్​ రాజీవ్​కుమార్​ రెండోరోజు విచారణకు షిల్లాంగ్​లోని సీబీఐ కార్యాలయంలో హాజరయ్యారు. శారదా కుంభకోణంపై ఆయనను సీబీఐ అధికారులు ప్రశ్నిస్తున్నారు​. ఈ విచారణను సీబీఐ రికార్డ్​ చేయడం లేదు.

కేసు విచారణలో భాగంగా తృణమూల్​ కాంగ్రెస్​ బహిష్కృత నేత, రాజ్యసభ మాజీ సభ్యుడు కునాల్​ ఘోష్​ ఉదయమే షిల్లాంగ్​ కార్యాలయానికి వచ్చారు. ఆయననూ ప్రశ్నిస్తున్నారు సీబీఐ అధికారులు.

తొలిరోజు తొమ్మిది గంటలు...

తొలిరోజైన శనివారం కోల్​కతా సీపీను దాదాపు తొమ్మిది గంటలపాటు ముగ్గురు సీబీఐ అధికారులు విచారించారు. శారదా కుంభకోణంలో కీలక ఆధారాలను మాయం చేశారని రాజీవ్​పై ఆరోపణలు ఉన్నాయి.