ప్రపంచకప్కు మరెంతో సమయం లేదు. ఫిబ్రవరి 24 నుంచి జరగబోయే ఆస్ట్రేలియా సిరీసే వరల్డ్ కప్ ముందు భారత్ ఆడే చివరి సిరీస్. మే 30 నుంచి ఇంగ్లాండ్లో మెగా టోర్నీ జరగనుంది. అక్కడికి వెళ్లే లెఫ్ట్ ఆర్మ్ పేసర్ ఎవరా అనేది ఇప్పుడు ప్రశ్న. ఖలీల్ అహ్మద్.. జయదేవ్ ఉనాద్కట్ పేర్లు ఈ జాబితాలో వినిపిస్తున్నాయి.
కంగారులతో రెండు టీ-ట్వంటీలు, ఐదు వన్డేలు ఆడనుంది టీమిండియా. ఈ సిరీస్తో స్పెషలిస్ట్ బ్యాట్స్మెన్ కమ్ రెండో వికెట్ కీపర్గా దినేశ్ కార్తీక్, రిషభ్ పంత్లలో ఎవరు వెళ్తారా అనేది తేలనుంది.
భారత్- ఏ మ్యాచ్ల్లో అదరగొట్టిన రాహుల్.. చాలా రోజుల తర్వాత ఆస్ట్రేలియా సిరీస్కు ఎంపికయ్యాడు.
సెలక్టర్లు ఇప్పటికే ప్రపంచకప్కు వెళ్లే 13 మందిని గుర్తించారు. విరాట్ కోహ్లీ, రోహిత్ శర్మ, శిఖర్ ధావన్, అంబటి రాయుడు, ధోని, కేదార్ జాదవ్, హార్దిక్ పాండ్య, విజయ శంకర్, చాహల్, కుల్దీప్, భువనేశ్వర్, బుమ్రా, షమి ఈ జాబితాలో ఉన్నారు.
మిడిలార్డర్లో రెండు స్థానాల కోసం నలుగురు బ్యాట్స్మెన్ పోటీలో ఉన్నారు. బుమ్రా, షమి, భువనేశ్వర్ పేస్ బాధ్యతలు చూసుకోనున్నారు. వీరితో పాటు లెఫ్ట్ ఆర్మ్ పేసర్ ఎవరనేది ప్రశ్న.
ఆస్ట్రేలియా, న్యూజిలాండ్ పర్యటనలో తన ప్రదర్శనతో ఆకట్టుకున్న ఖలీల్.. వరల్డ్ కప్కు వెళ్లేలా కనపడుతున్నాడు.
ఈ మధ్య జరిగిన రంజీ సీజన్లో సౌరాష్ట్రను ఫైనల్కు తీసుకెళ్లిన ఉనాద్కట్ కూడా సెలక్టర్ల దృష్టిలో ఉన్నాడు. పేస్ బౌలింగ్లో వివిధ వేరియేషన్స్ చూపిస్తూ సెలక్టర్లను ఆకట్టుకుంటున్నాడు.
