జగన్ ఎప్పటికీ ముఖ్యమంత్రి కాలేరు: పవన్ కల్యాణ్

ఎన్నికల ప్రచారం ముగుస్తున్న తరుణంలో జనసేనాని పవన్ ప్రచారంలో దూసుకుపోతున్నారు. పశ్చిమ గోదావరి జిల్లా భీమవరంలో ఎన్నికల ప్రచారానికి హాజరయ్యారు. జగన్ ఎప్పటికీ ఆంధ్రప్రదేశ్ సీఎం కాలేరని స్పష్టం చేశారు.

రాష్ట్రానికి జగన్ ఎప్పటికీ ముఖ్యమంత్రి కాలేరని జనసేన అధినేత పవన్ కల్యాణ్‌ అన్నారు. కేసీఆర్ చెప్పినంత మాత్రాన ఆంధ్రప్రదేశ్ లో వైకాపా అధికారంలోకి రాదని చెప్పారు. 2014లోనూ జగన్‌కు అనుకూలంగా కేసీఆర్ మాట్లాడారని గుర్తు చేశారు. ఆంధ్రులను ఇష్టారీతిన దుర్భాషలాడిన కేసీఆర్‌తో... జగన్ జట్టుకట్టి విజయం ఆశించడం హస్యాస్పదంగా ఉందన్నారు.