'ఆపర్చునిటీ' రోవర్​ యాత్ర సమాప్తం

పదిహేనేళ్ల క్రితం అంగారకుడిపైకి నాసా ప్రయోగించిన రోవర్​ 'ఆపర్చునిటీ' తన సేవలు ముగించినట్లు శాస్త్రవేత్తలు ప్రకటించారు.

అరుణ గ్రహంపై జీవరాశి మనుగడను కనుక్కోవడానికి పదిహేనేళ్ల క్రితం నాసా ప్రయోగించిన 'ఆపర్చునిటీ రోవర్'​ తన సేవలు నిలిపేసిందని శాస్త్రవేత్తలు ప్రకటించారు. ఎనిమిది నెలల క్రితం అంగారకుడిపై సంభవించిన ఇసుక తుపాను కారణంగా ఇది నాశనమైందని నాసా తెలిపింది.

గతేడాది జూన్​ నుంచి రోవర్​ సిగ్నల్స్​ ఆగిపోయాయి. దశాబ్దానికి పైగా అంగారకుడిపై 45 కిలోమీటర్ల మేర 'ఆపర్చునిటీ' ప్రయాణించింది. అరుణ గ్రహంపై కొన్ని వందల ఏళ్ల క్రితం నీటి వనరులు ఉండేవని, అక్కడ సూక్ష్మజీవులు జీవించే అవకాశముండొచ్చని 'ఆపర్చునిటీ' నిరూపించింది. మూణ్నెల్ల పాటు పనిచేసేలా మాత్రమే ఈ రోవర్​ను నిర్మించినా పదిహేనేళ్ల పాటు సేవలందించటం విశేషం.