రవాణాశాఖ ఆదాయాల్లో కృష్ణా జిల్లాదే అగ్రస్థానం

గడిచిన ఆర్థిక సంవత్సరంలో కృష్ణా జిల్లా రవాణ శాఖ అత్యధిక ఆదాయాన్ని ఆర్జించింది. రూ. 445.56 కోట్లతో రాష్ట్రంలోనే ప్రథమ స్థానంలో నిలిచింది. ప్రత్యేక బృందాల తనిఖీలతోనే ఈ ఘనత సాధించామని జిల్లా ఉప రవాణాధికారి మీరాకుమార్​ వెల్లడించారు.

గత ఆర్థిక సంవత్సరంలో కృష్ణా జిల్లా రవాణా శాఖ అత్యధిక ఆదాయాన్ని ఆర్జించి రాష్ట్రంలోనే అగ్రస్థానంలో నిలిచింది. 2018-19 ఏడాది గానూ రూ. 445. 56 కోట్ల ఆదాయం లభించిందని జిల్లా ఉప రవాణాధికారి మీరా కుమార్​ తెలిపారు. వచ్చే ఫైనాన్షియల్​ ఇయర్​కు రూ. 509.97 కోట్ల లక్ష్యం పెట్టుకున్నారని..అందులో 87. 36 శాతం మేరకు సాధించారని వెల్లడించారు. ఈ ఒక్క ఏడాదిలోనే రూ. 25.39 కోట్లు అధికంగా ఆర్జించగా.. 6.04 శాతం పెరుగుదల నమోదైందన్నారు. ప్రత్యేక బృందాల సారథ్యంలో త్రైమాసిక, జీవితకాలపు పన్నులు వసూలు..వాహన తనిఖీలు, ఫ్యాన్సీ నెంబర్ల వేలాల నుంచి అధిక రెవిన్యూ గడించామని పేర్కొన్నారు.
ఇవీ చదవండి..వేసవిలోనూ..పచ్చని లోగిళ్లు