పల్లెలో సినిమా షూటింగ్ సందడి తూర్పుగోదావరి జిల్లా బొమ్మూరులోని కాటన్ దొర విశ్రాంతిగృహంలో 'కౌసల్య కృష్ణమూర్తి 'చిత్ర బృందం సందడి చేసింది. క్రియేటివ్ కమర్షియల్స్ బ్యానర్పై కే. ఎస్ రామారావు ఈ సినిమాను నిర్మిస్తున్నారు. ఓ మహిళ క్రికెటర్ ఎలా తన గమ్యాన్ని చేరుకుందనే అంశాన్ని కథా వస్తువుగా తీసుకున్నామని ఆయన తెలిపారు. ఎంపీ మాగంటి మురళీమోహన్ ముహుర్తపు షాట్ కొట్టి చిత్రీకరణ ప్రారంభించారు. పచ్చని పరిసరాల్లో షూటింగ్ జరుపుకోవడం ఆనందంగా ఉందని ఎంపీ అన్నారు. చిత్రబృందానికి అభినందనలు తెలియజేశారు.ఈ చిత్రానికి ప్రముఖ డైరెక్టర్ భీమినేని శ్రీనివాస్ దర్శకత్వం వహిస్తున్నారు. హీరో హీరోయిన్లుగా.. కార్తీక్ రాజు, ఐశ్వర్య రాజేశ్ నటిస్తున్నారు. తండ్రిపాత్రలో రాజేంద్రప్రసాద్, ప్రత్యేక పాత్రలో కమెడియన్ వెన్నెల కిషోర్ అలరించనున్నారు.
