పేదవాడి సొంతింటి కల నెరవేరుస్తా: పవన్ కల్యాణ్​

మహిళలకు చీర-సారె పథకం కింద 10 వేల 116 రూపాయలు ఇస్తామని జనసేన అధ్యక్షుడు పవన్ కల్యాణ్ ప్రకటించారు. పేదవాడి సొంతింటి కల నెరవేరుస్తామని పశ్చిమగోదావరి జిల్లా ఆచంట ఎన్నికల బహిరంగసభలో హామీ ఇచ్చారు.

అందరికీ అన్నం పెట్టే రైతులు ఆనందంగా ఉండాలన్న పవన్‌కల్యాణ్‌... రైతులు పండించిన పంటకు గిట్టుబాటు ధర కల్పిస్తామని హామీ ఇచ్చారు. రైతులకు నెలకు 5 వేల రూపాయల పింఛన్‌ అందిస్తామని మరోసారి పవన్‌ స్పష్టం చేశారు. పేదవాడి సొంతింటి కల నెరవేరుస్తామన్న పవన్​...మహిళలకు చీర-సారె పథకం కింద 10 వేల 116 రూపాయలు ఇస్తామన్నారు.ఆదాయం, సంపదతో పని లేకుండా రాష్ట్రంలోని ప్రతి ఆడపడుచుకు పది గ్యాస్ సిలిండర్లు ఉచితంగా ఇస్తామని పవన్ కల్యాణ్ భరోసా ఇచ్చారు.