గ్రామ వాలంటీర్ పోస్టులకు అనూహ్య స్పందన

గ్రామ, వార్డు వాలంటీర్ల నియామకానికి రాష్ట్ర వ్యాప్తంగా అనూహ్య స్పందన వస్తోంది. గ్రామ వాలంటీర్ వెబ్​సైట్​కు ఇప్పటి వరకూ 5.82 లక్షల హిట్స్ వచ్చాయని ఆర్టీజీఎస్​ తెలిపింది. ఈ నెల 23 నుంచి ప్రారంభమైన దరఖాస్తు ప్రక్రియలో ఇప్పటికి వరకూ 82 వేల మంది దరఖాస్తు చేసుకున్నారు.

రాష్ట్ర ప్రభుత్వం ప్రతిష్టాత్మకంగా ప్రారంభించిన గ్రామ, వార్డు వాలంటీర్ల నియామకానికి అనూహ్య స్పందన వ్యక్తమవుతోంది. ఈ నెల 23 నుంచి ఆన్​లైన్​లో దరఖాస్తు ప్రక్రియ ప్రారంభమైంది. పట్టణాల్లో డిగ్రీ చదివినవారు, గ్రామాల్లో ఇంటర్​, ఇంటర్​తో సమానమైన పరీక్ష పాసైన వారు అర్హులుగా ప్రభుత్వం తెలిపింది. ఏజెన్సీ ఏరియాల్లో పదో తరగతి పాసైన వారు అర్హులుగా తెలిపింది. అన్ని ప్రాంతాల నుంచి నిరుద్యోగులు వీటికోసం ఆన్​లైన్​లో దరఖాస్తులు చేస్తున్నారు.

http://gramavolunteer.ap.gov.in వెబ్‌సైట్ ద్వారా దరఖాస్తు చేసుకునే సదుపాయాన్ని ప్రభుత్వం కల్పించింది. సాంకేతికంగా ఎలాంటి ఇబ్బందులు రాకుండా ఈ వ్యవహారాన్ని రియల్ టైం గవర్నెన్స్ టీం నిరంతరం పర్యవేక్షిస్తోంది. ఈ వెబ్​సైట్​కు రెండు రోజుల్లో 5.82 ల‌క్షల హిట్స్‌ రాగా..మంగ‌ళ‌వారం సాయంత్రం 6 గంట‌ల వ‌ర‌కు 82 వేల మంది ద‌ర‌ఖాస్తులు వచ్చినట్లు ఆర్టీజీఎస్ తెలిపింది.