'ఎన్నికల కోసమే మోదీ అలా చేశారు'

పుల్వామా ఉగ్రదాడి తర్వాత పది రోజుల వరకు ప్రధాని నరేంద్ర మోదీ నోరు మెదపలేదని ఎంపీ గల్లా జయదేవ్‌ ఆరోపించారు. కశ్మీరీల​కు అండగా ఉండాలన్న సుప్రీం కోర్టు పిలుపుతో స్పందించారని అంతవరకు ఎలాంటి ప్రయత్నాలు చేయలేదని పేర్కొన్నారు.

పుల్వామా దాడి అనంతరం పదిరోజుల వరకు మోదీ ఎందుకు పెదవి విప్పలేదని ఎంపీ గల్లా జయదేవ్ గుంటూరు జిల్లా ప్రత్తిపాడులో ప్రశ్నించారు. సుప్రీం కోర్టు ఆదేశాలతో ప్రధాని స్పందించారని ఆయన గుర్తుచేశారు. గత 8 నెలల నుంచి కశ్మీర్​లో అన్ని వ్యవస్థలు కేంద్రం పరిధిలోనే ఉన్నా... నిఘా సంస్థ ఎలా విఫలమైందని నిలదీశారు. హిందూ- ముస్లిం విద్వేషాలు రెచ్చగొడితే భాజపాకు లబ్ధి చేకూరుతుందనే మోదీ మౌనం వహించారని ఆరోపించారు.