తెలంగాణ నుంచి రాష్ట్రానికి లక్ష కోట్లు రావాలి!

ఎన్టీఆర్ వైద్యసేవ ద్వారా 5 లక్షల రూపాయలు ఇచ్చి.. ప్రజల ఆరోగ్యానికి భరోసా కల్పిస్తామని తెదేపా అధినేత చంద్రబాబు హామీ ఇచ్చారు. నెల్లూరు జిల్లా వెంకటగిరిలో ఎన్నికల ప్రచారం చేసిన ఆయన.. రాష్ట్ర ఆడపడుచులకు ఎల్లప్పుడూ పసుపు - కుంకుమ పథకంతో అండగా ఉంటామని భరోసా కల్పించారు.

రాష్ట్ర ప్రజల ఆరోగ్యానికి భరోసా కల్పించేందుకు ఎన్టీఆర్ వైద్య సేవ పథకంతో 5 లక్షల రూపాయలు ఇస్తామని తెదేపా అధినేత, ముఖ్యమంత్రిచంద్రబాబు.. రాష్ట్ర ప్రజలకు హామీ ఇచ్చారు.నెల్లూరు జిల్లా వెంకటగిరిలో తెదేపాఎన్నికల ప్రచారానికి చంద్రబాబు హాజరయ్యారు. అధికారంలో ఉన్నంత కాలం... ఆడపడుచులకు పసుపు - కుంకుమ ఇస్తానని స్పష్టం చేశారు. రైతులకు అన్ని వేళలా అండగా ఉంటామన్న చంద్రబాబు.... అన్నదాత - సుఖీభవ పథకం కింద ఏటా 9 వేల రూపాయలు ఇస్తున్నట్లు తెలిపారు.

జగన్​కు బుద్ధి చెప్పండి..!

రాష్ట్రానికి 15 లక్షల కోట్ల రూపాయల విలువైనపెట్టుబడులు వచ్చాయని ముఖ్యమంత్రి చంద్రబాబు గుర్తు చేశారు.పరిశ్రమలన్నీ పూర్తయితే 30 లక్షల ఉద్యోగాలు వస్తాయని స్పష్టం చేశారు.పింఛన్​ను 2 వేల నుంచి 3 వేల రూపాయలు చేస్తానని మరోమారు వెల్లడించారు. వైకాపా అధినేతనేతజగన్‌ను నమ్ముకుంటే.. అందరినీ జైలుకు తీసుకువెళ్తారని విమర్శించారు. తెలంగాణ నుంచి రాష్ట్ర వాటాగా కనీసం లక్ష కోట్ల రూపాయలురావాలని చెప్పారు. ఏపీ వాటా చెల్లించకుండా.. ఎగ్గొట్టేందుకే కేసీఆర్‌ కుట్రలు పన్నుతున్నారని ఆరోపించారు. అలాంటికేసీఆర్‌తో లాలూచీ పడిన జగన్‌ కు ఎన్నికల్లో బుద్ధి చెప్పాలని చంద్రబాబు కోరారు.

ఇవి కూడా చదవండి:సర్వేపల్లిలో గెలుపు జెండా ఎగరేస్తా: సోమిరెడ్డి