తెలుగుదేశం పార్టీ అధినేత చంద్రబాబు నాయుడు నేడు మూడు జిల్లాల్లో ఎన్నికల ప్రచారం నిర్వహించనున్నారు. పశ్చిమగోదావరి, కృష్ణా, గుంటూరు జిల్లాల్లో సీఎం ప్రచార సభల్లో పాల్గొంటారు.
చంద్రబాబు ఎన్నికల ప్రచారం
పశ్చిమగోదావరిలో
పశ్చిమగోదావరి జిల్లాలో నిర్వహించే బహిరంగ సభలలో పాల్గొననున్న సీఎం.. పాలకొల్లు, ఆచంట నియోజకవర్గాల్లో ప్రచారం చేయనున్నారు. ఉదయం 10 గంటలకు పాలకొల్లు చేరుకొనున్న ముఖ్యమంత్రి..బహిరంగ సభలో ప్రసంగిస్తారు. అనంతరం ఆచంటకు వెళ్తారు. మధ్యాహ్నం ఆచంటలో జరిగే బహిరంగసభలో చంద్రబాబు మాట్లాడతారు. చంద్రబాబు ప్రచారానికి తగిన ఏర్పాట్లు ఇప్పటికే పూర్తయ్యాయి. పోలీసు బందోబస్తు, ట్రాఫిక్ నియంత్రణపై అధికారులు పర్యవేక్షిస్తున్నారు. జిల్లా తెదేపా నాయకులు బహిరంగసభ ఏర్పాట్లను పరిశీలిస్తున్నారు.