ఆంధ్రా-కర్ణాటక సరిహద్దులో 1 కోటీ స్వాధీనం

అనంతపురం జిల్లా- కర్ణాటక సరిహద్దులో బాగేపల్లి టోల్ గేట్ వద్ద భారీ నగదు పట్టుబడింది. చిలమత్తూరు సమీపంలోని బాగేపల్లి జాతీయ రహదారి టోల్ గేట్ వద్ద గల కార్యాలయంలో 1 కోటీ 75 లక్షల నగదును హిందూపురం గ్రామీణ పోలీసులు స్వాధీనం చేసుకున్నారు.

సమాచారం తెలుసుకున్న హిందూపురం సీ.ఐ వెంకటేశులు నగదు విషయంపై కర్ణాటక ఎన్నికల అధికారులు సమాచారం అందించారు. వీరివురు కలిసి టోల్‌గేట్‌లోని మేనేజర్ కార్యాలయాన్ని తనిఖీ చేయగా... రూ.1 కోటి 75లక్షల నగదు బయటపడింది. ఈ విషయంపై టోల్ ప్లాజా సిబ్బందిని ప్రశ్నించగా.. వారు ఎటువంటి సమాధానం ఇవ్వలేదని పోలీసులు తెలిపారు. మొత్తం నగదును కర్ణాటక ఎన్నికల అధికారులు స్వాధీనం చేసుకున్నారు. ఈ నగదు ఏ పార్టీ వారైనా పంచడానికి అక్కడ ఉంచారా అనే విషయంపై విచారణ చేపడతామన్నారు. ఇరు రాష్ట్రాల పోలీసులు దర్యాప్తు చేస్తున్నారు.