'మోహన్​బాబు ఉత్తముడని లక్ష్మీపార్వతి చెప్పగలరా?'

నటప్రపూర్ణ అని చెప్పుకునే మోహన్​బాబు... ఎవరు ప్యాకేజి ఇస్తే వారి తరపున ఊసరవెల్లిలా మాట్లాడతాడని ప్రభుత్వ విప్ బుద్దా వెంకన్న ఆరోపించారు. చంద్రబాబుపై బురద చల్లేందుకు మోహన్​బాబుకి అందిన పారితోషికం ఎంతో ప్రజలకి చెప్పాలని డిమాండ్‌ చేశారు.

పారితోషికం ఇవ్వనిదే ఏమీ మాట్లాడరని సినిమా పరిశ్రమలో మోహన్​బాబుకు పేరుందని తెదేపా నేత బుద్దా వెంకన్న చెప్పారు. గురువు దాసరినే మోసం చేసిన వ్యక్తి మోహన్​బాబు అని ఎద్దేవా చేశారు.ఎన్టీఆర్​కు మేజర్ చంద్రకాంత్ సినిమాకు పారితోషికం ఎగ్గొట్టారని తెలిపారు. జగన్​కుపెయిడ్ వర్కర్​గామారి చంద్రబాబును విమర్శిస్తున్నాడని మండిపడ్డారు. మోహన్​బాబు ఉత్తముడని లక్ష్మీపార్వతితో స్టేట్ మెంట్ ఇప్పిస్తే.. రాజకీయాల నుంచి తప్పుకుంటానని బుద్దా వెంకన్న సవాలు చేశారు.