బి-ఫారాలు ఎత్తుకుపోయారు.. ఎన్నికలు వాయిదా వేయండి!

దిల్లీలో మరోసారి కేంద్ర ఎన్నికల కమిషన్‌తో ప్రజాశాంతి పార్టీ అధినేత కేఏ పాల్ భేటీ అయ్యారు. తెదేపా, వైకాపా కార్యకర్తలు... తమ సిబ్బందిపై దాడి చేసి బి - ఫారాలు ఎత్తుకుపోయారని ఆరోపించారు. ఎన్నికలు వాయిదా వేయాలని ఈసీని కోరారు.

ప్రజాశాంతి పార్టీ అధ్యక్షుడు..దిల్లీలో మరోసారి కేంద్ర ఎన్నికల కమిషన్‌ను కలిశారు. తాను ఇచ్చిన ఫిర్యాదుపై చర్చించేందుకు సీఈసీ ఉన్నతాధికారులుపిలిచారని తెలిపారు. తెదేపా, వైకాపా కార్యకర్తలు.. తమ సిబ్బందిపై దాడి చేసి బి-ఫారాలు ఎత్తుకుపోయారని ఆరోపించారు. ఈ కారణంగా ఎన్నికలు వాయిదా వేయాలని ఈసీని కోరామని తెలిపారు. తమ బి-ఫారాలతో తెదేపా 35, వైకాపా 11 చోట్ల అభ్యర్థులను నిలిపారని మరో ఆరోపణ చేశారు. ప్రజాశాంతి తరపున పోటీ చేస్తున్న వారిలో చాలామంది తమ అభ్యర్థులు కాదని స్పష్టం చేశారు. ఇదంతా ఈసీ నిర్లక్ష్యం వల్లే జరిగింది కాబట్టి ఎన్నికలు వాయిదా వేయాలని డిమాండ్ చేశారు. లేకుంటే కోటిమంది యువత ఎన్నికలను బహిష్కరిస్తారని హెచ్చరించారు.