హైకోర్టు ప్రధాన న్యాయమూర్తిగా జస్టిస్ విక్రమ్‌నాథ్‌

రాష్ట్ర హైకోర్టు ప్రధాన న్యాయమూర్తిగా ప్రవీణ్‌ కుమార్ స్థానంలో జస్టిస్ విక్రమ్‌నాథ్‌ నియమితులయ్యారు.

ఆంధ్రప్రదేశ్‌ హైకోర్టు నూతన ప్రధాన న్యాయమూర్తిగా జస్టిస్‌ విక్రమ్‌నాథ్‌ నియమితులయ్యారు. జస్టిస్​ విక్రమ్‌నాథ్‌ పేరును సుప్రీం కోర్టు కొలీజియం ఖరారు చేసింది. ప్రస్తుతం ఆయన అలహాబాద్ హైకోర్టు జడ్జిగా విధులు నిర్వహిస్తున్నారు. కొత్త సంవత్సరం తొలి రోజున ఆంధ్రప్రదేశ్‌ హైకోర్టు ఏర్పడింది. ఈ క్రమంలో మొట్టమొదటి ప్రధాన న్యాయమూర్తిగా జస్టిస్‌ సి.ప్రవీణ్‌కుమార్‌ తాత్కాలికంగా నియమితులయ్యారు. ఆయన స్థానంలో ఇప్పుడు జస్టిస్‌ విక్రమ్‌ బాధ్యతలు తీసుకోనున్నారు.