పసిపాప అని చూడకుండా...

తెలంగాణలోని వరంగల్ అర్బన్​ జిల్లా హన్మకొండలో ఓ దుర్మార్గుడు విచక్షణారహితంగా ప్రవర్తించాడు. కుమార్​పల్లిలో అభం శుభం తెలియని 9 నెలల పాపపై అత్యాచారం చేసి చంపేశాడు.

తెలంగాణలోని వరంగల్​ అర్బన్​ జిల్లా కేంద్రంలో దారుణం చోటు చేసుకుంది. హన్మకొండలోని కుమార్​పల్లిలో అభం శుభం తెలియని 9 నెలల పాపను ఓ దుర్మార్గడు అత్యాచారం చేసి చంపేశాడు. కుమార్​పల్లికి చెందిన రచన, జగన్​ దంపతులు తమ తొమ్మది నెలల పాపతో డాబాపై నిద్రిస్తుండగా పక్క కాలనీలో ఉన్న ప్రవీణ్​ అనే వ్యక్తి పాపను ఎత్తుకెళ్లి అత్యాచారం చేసి చంపేశాడు. మెలకువ వచ్చిన తల్లిదండ్రులకు పాప కనిపించలేదు. వారు చుట్టుపక్కల వెతకగా పాప చనిపోయి కనిపించింది. వెంటనే పోలీసులకు సమాచారం అందించారు. వారు కేసు నమోదు చేసి నిందితుడిని పట్టుకున్నారు.