లోక్​సభ రేపటికి వాయిదా

బీజేడీ ఎంపీ కిషోర్​ స్వైన్​ మృతికి లోక్​సభలో ఘననివాళి అర్పించారు. అనంతరం సభ రేపటికి వాయిదా పడింది. విపక్షాల ఆందోళనలతో రాజ్యసభ 2 గంటలకు వాయిదా వేశారు ఛైర్మన్​.

పార్లమెంటులో వాయిదాల పర్వం కొనసాగుతూనే ఉంది. బిజు జనతా దళ్​కు చెందిన పార్లమెంటు సభ్యుడి మృతితో లోక్​సభలో నివాళి ప్రకటించారు ఎంపీలు. సభ ప్రారంభమైన వెంటనే స్పీకర్​ సుమిత్రా మహాజన్​ ఎంపీ మృతి చెందారన్న సమాచారం సభ్యులకు తెలిపారు. అనంతరం కొద్దిసేపు మౌనం పాటించి సభను రేపటికి వాయిదా వేశారు.

పెద్దల సభలో ఆందోళనలు...

రాజ్యసభలో విపక్షాల ఆందోళనలతో సభ 2 గంటలకు వాయిదా పడింది. పౌరసత్వ చట్ట సవరణ బిల్లుతో పాటు ఇతర అంశాలపై ప్రతిపక్షాల గందరగోళం నేపథ్యంలో వాయిదా వేశారు పెద్దల సభ ఛైర్మన్​. 2 గంటలకు తిరిగి సభా కార్యకలాపాలు ప్రారంభం కానున్నాయి.