விருதுநகரில் தொடங்கிய மாநில அளவிலான நீச்சல் போட்டிகள்!

விருதுநகர்: இரண்டு நாட்கள் நடைபெறவிருக்கும் மாநில அளவிலான நீச்சல் போட்டிகள் நேற்று தனியார் கல்லூரியில் தொடங்கின.

விருதுநகர் மாவட்டம் ஸ்ரீவில்லிபுத்தூர் அருகே கிருஷ்ணன்கோவில் பகுதியில் செயல்பட்டு வரும் தனியார் கல்லூரியில் மாநில அளவிலான நீச்சல் போட்டிகள் தொடங்கின.

இரண்டு நாட்கள் நடைபெறும் இந்த நீச்சல் போட்டியில் மதுரை, தஞ்சாவூர், திருச்சி, சென்னை, சிதம்பரம் உள்ளிட்ட 14 கல்லூரிகளில் இருந்து 150க்கும் மேற்பட்ட மாணவ, மாணவிகள் கலந்து கொண்டனர்.

ஆண்கள், பெண்களுக்கு என தனித்தனியாக இரண்டு நாட்கள் நடைபெற்று வரும் இந்த நீச்சல் போட்டியில், இறுதிப் போட்டியில் வெற்றி பெறும் மாணவர்களுக்குப் பரிசுகளும் சான்றிதழ்களும் வழங்கப்பட உள்ளது என்பது குறிப்பிடத்தக்கது.

இதையும் படிங்க:263 அணிகள் பங்கேற்ற கூடைப்பந்து போட்டி தொடக்கம்!