விருதுநகர் மாவட்டம், ஸ்ரீவில்லிபுத்தூர் அருகே மேற்கு தொடர்ச்சி மலை கடல் மட்டத்திலிருந்து சுமார் 4 ஆயிரத்து 500 உயரத்தில் அமைந்துள்ளது. அங்கு பிரசித்தி பெற்ற சதுரகிரி சுந்தர மகாலிங்கம் கோயில் அமைந்துள்ளது. இந்தக் கோயிலுக்கு மாதந்தோறும் அமாவாசை 4 நாள்கள், பௌர்ணமி 4 நாள்கள் என மொத்தம் 8 நாள்கள் மட்டுமே மலை ஏற பக்தர்களுக்கு அனுமதி வழங்கப்படுகிறது.
இந்நிலையில், பிரதோஷம், தை மாத பௌர்ணமியை முன்னிட்டு நாளை (ஜன.26) ஆம் தேதி முதல் வரும் 29 ஆம் தேதி வரை 4 நாள்கள் பல்வேறு கட்டுப்பாடுகளுடன் பக்தர்கள் கோயிலுக்கு செல்ல வனத்துறை, கோயில் நிர்வாகம் அனுமதி அளித்துள்ளது.