கள்ளக்குறிச்சியில் மணக்கோலத்தில் தம்பதி வாக்குப்பதிவு!

விழுப்புரம்: கள்ளக்குறிச்சி மக்களவைத் தொகுதிக்குட்பட்ட வாக்குச்சாவடிக்கு, ஒரு திருமண தம்பதியினர் திருமணக் கோலத்தில் வந்து வாக்களித்தனர்.

தமிழ்நாட்டில் 38 மக்களவைத் தொகுதிகளுக்கான பொதுத்தேர்தல் மற்றும் 18 சட்டப்பேரவைத் தொகுதிகளுக்கான இடைத்தேர்தல் முழுவீச்சில் நடந்து வருகிறது.

இந்தத் தேர்தலில் முதியவர், மாற்றுத்திறனாளிகள், இளைர்கள் என அனைவரும் தங்களது வாக்கினை அளித்து ஜனநாயகக் கடமையாற்றி வருகின்றனர்.

இந்நிலையில் கள்ளக்குறிச்சி மக்களவைத் தொகுதிக்குட்பட்ட வாக்குச்சாவடிக்கு, ஒரு திருமணத் தம்பதி மணக் கோலத்தில் வந்து வாக்களித்தனர். இதை அந்த வாக்குச்சாவடியில் இருந்த அனைவரும் வியந்து பார்த்தனர்.