12 அடி நீளம் கொண்ட தூரிகையால் ஓவியம் - அசத்தும் பள்ளி மாணவர்கள்

விழுப்புரம்: உலக உழைப்பாளர் தினத்தை முன்னிட்டு, தொழிலாளர் வர்க்கத்தை போற்றும் வகையில், 12 அடி நீளம் கொண்ட தூரிகையால் ஓவியம் வரைந்து பள்ளி மாணவ, மாணவிகள் உலக சாதனை முயற்சியில் ஈடுபட்டனர்.

உலக உழைப்பாளர் தினத்தை முன்னிட்டு, ராம்ஜி ஆர்ட் ஒர்க் ஷாப் மற்றும் கலாம் புக் ஆப் ரெக்கார்ட்ஸ் இணைந்து பள்ளி மாணவர்களுக்கான ஓவிய உலக சாதனை நிகழ்ச்சியை நடத்தினர்.

இந்நிகழ்ச்சியில், 12 அடி நீளம் கொண்ட தூரிகையை பயன்படுத்தி விவசாயி, காய்கறி வியாபாரி, நாற்று நடும் கூலித் தொழிலாளி, கொத்தனார், காவல் துறை அலுவலர், நீதிபதி உள்ளிட்ட தொழிலாளர்களின் உருவத்தை வரைந்து உலக சாதனை படைக்கும் முயற்சியில் பள்ளி மாணவர்கள் ஈடுபட்டனர்.

விழுப்புரம் மாவட்ட ஆட்சியர் அலுவலக வளாகத்தில் நடைபெற்ற இந்நிகழ்ச்சியில் 27 பள்ளி மாணவ, மாணவிகள் கலந்து கொண்டனர்.

இதையடுத்து, சாதனை முயற்சியில் கலந்துகொண்ட மாணவர்களுக்கு, நிகழ்ச்சி ஏற்பாட்டாளர்கள் மற்றும் சிறப்பு விருந்தினர்கள் பாராட்டுப் பத்திரம் மற்றும் பதக்கங்கள் வழங்கி கௌரவித்தனர்.