காட்பாடி அருகே ரூ.3 லட்சம் திருட்டு: மருத்துவர் வீட்டில் கைவரிசை

வேலூர்: காட்பாடி அருகே மருத்துவர் வீட்டில் ரூபாய் மூன்று லட்சத்தை திருடிச் சென்ற அடையாளம் தெரியாத நபர்களைக் காவல் துறையினர் தேடிவருகின்றனர்.

வேலூர் மாவட்டம் காட்பாடி பாரதி நகரைச் சேர்ந்தவர் மருத்துவர் ரமணய்யா. இவர் குடியாத்தம் சாலையில் கிளினிக் வைத்து, மக்களுக்கு மருத்துவம் பார்த்துவருகிறார்.

இவர், தனது உறவினரின் வீட்டு நிகழ்ச்சிக்காக நேற்று குடும்பத்துடன் சென்னை சென்றுள்ளார். இதனையறிந்த திருடர்கள் நேற்றிரவு மருத்துவர் வீட்டின் பின்பக்க கதவினை உடைத்து விட்டிற்குள் புகுந்துள்ளனர்.

பின்பு, பீரோ இருக்கும் அறைக்குள் சென்ற அவர்கள், அதிலிருந்த மூன்று லட்சம் பணத்தையும் 50 சவரன் நகைகளையும் திருடிச் சென்றுள்ளனர்.

இன்று வீடு திரும்பிய மருத்துவர் குடும்பம், வீட்டின் பின்பக்க கதவு உடைந்திருப்பதைக் கண்டு அதிர்ச்சியடைந்தது. பின்பு, வீட்டினுள்ளே சென்று பார்த்தபோது, பீரோவிலிருந்த பணமும் நகைகளும் திருடுபோயிருப்பது தெரியவந்துள்ளது.

இச்சம்பவம் குறித்து மருத்துவர் ரமணய்யா காட்பாடி காவல் நிலையத்தில் புகார் அளித்துள்ளார். புகாரின் அடிப்படையில் வழக்குப்பதிவு செய்த காவல் துறையினர், குற்றவாளிகளைத் தேடிவருகின்றனர்.

இதையும் படிங்க: அடுத்தடுத்த மூன்று வீடுகளில் நகை, பணம் கொள்ளை