திருச்சியில் மாணவர்களுக்கு இலவச யோகா பயிற்சி

திருச்சி: பள்ளி, கல்லூரி மாணவர்களுக்கான கோடைகால இலவசம் ஆன்மீக பயிற்சி முகாம் இன்று தொடங்கியது, இதில் 100 மாணவ மாணவிகள் பங்கேற்றனர் .

திருச்சி மாவட்டம், மலைக்கோட்டையில் தாயுமான சுவாமி கோயிலில் ருத்ரா சாந்தி யோகா டிரஸ்ட் சார்பில் தினமும் காலை 9 மணி முதல் பிற்பகல் 12.30 மணி வரை இலவச யோகா பயிற்சி அளிக்கப்படுகிறது.

மலைக்கோட்டை நூற்றுக்கால் மண்டபத்தில் நடைபெறும் இந்த கோடைகால விடுமுறை பயிற்சியில் யோகா, தியானம், ஸ்லோகம், சூரிய நமஸ்காரம், பெயிண்டிங், கைவினை பயிற்சி, ஓவியம் வரைதல், நீதிபோதனைகள், திருக்குறள், பரதம், பாட்டு ஆகியவை பயிற்றுவிக்கப்படுகிறது.

இந்த பயிற்சி முகாமில் கலந்து கொள்ளும் அனைத்து மாணவ-மாணவிகளுக்கும் சான்றிதழ் வழங்கப்படுகிறது. யோகா குரு கிருஷ்ணகுமார் இந்த பயிற்சிகளை ஒருங்கிணைத்து மேற்கொண்டுள்ளார். இதற்கான ஏற்பாடுகளை இந்து சமய அறநிலைத்துறை இணை ஆணையர் சுதர்சன், உதவி ஆணையர் விஜயராணி ஆகியோர் செய்துள்ளனர்.