திருப்பத்தூர் மாவட்டம் ஆம்பூர் அடுத்த வெங்கிளி பகுதியில் இன்று அதிகாலை அடையாளம் தெரியாத வாகனம் ஒன்று இருசக்கர வாகனத்தில் மோதி விபத்துக்குள்ளானது. பின் இதுகுறித்து காவல் துறையினருக்கு தகவல் தெரிவிக்கப்பட்டது. தகவலறிந்து சம்பவ இடத்திற்கு வந்த காவல் துறையினர் அவர்களை மீட்டு ஆம்பூர் அரசு மருத்துவமனையில் அனுமதித்தனர். இந்த விபத்தில் இருசக்கர வாகனத்தில் வந்த மூவரில் ஒருவர் சம்பவ இடத்திலேயே பரிதாபமாக உயிரிழந்தார். இருவர் படுகாயமடைந்தனர்.
மேலும் இந்த விபத்து குறித்து ஆம்பூர் கிராமிய காவல் துறையினர் வழக்குப்பதிவு செய்து விசாரணை நடத்தினர். உயிரிழந்தவர் திருப்பத்தூர் மாவட்டம் நாட்றம்பள்ளியை சேர்ந்த மணிகண்டன் (35) என்பது விசாரணையில் தெரியவந்தது.