திருப்பத்தூரில் ஆட்சியரைக் கண்டித்து தமுமுகவினர் சாலை மறியல்

திருப்பத்தூரில் மாவட்ட ஆட்சியரைக் கண்டித்து தமுமுகவினர் சாலை மறியல் போராட்டத்தில் ஈடுபட்டனர்.

திருப்பத்தூர்: ஆரிப்நகர் நகராட்சிக்குள்பட்ட பகுதி ஆகும், இப்பகுதியில் பொதுவாகவே சேரும் சகதியுமாகக் காணப்படும். அப்பகுதியில் உள்ள கால்வாய் சரிவரத் தூர்வாரப்படாமல் இருப்பதால் சுற்றுவட்டாரப் பகுதிகளில் உள்ள கழிவுநீர் ஆரிப் நகர்ப் பகுதியிலேயே தங்கிவிடுகிறது.

இது குறித்து இப்பகுதி மக்கள் பலமுறை மாவட்ட நிர்வாகம் மட்டுமின்றி நகராட்சிக்கு ஆரிப் நகர் மக்கள் இப்பகுதியிலிருந்து கால்வாய் அமைத்து மாடப்பள்ளி செல்லும் கால்வாய்க்குக் கழிவுநீர் செல்ல வழிவகைச் செய்ய வேண்டும் எனப் பலமுறை புகார் அளித்துள்ளனர்.

ஆனால் தற்போது வடகிழக்குப் பருவமழை காரணமாகத் திருப்பத்தூர் பகுதிகளில் கனமழை, லேசான மழை பெய்துவருகிறது. எனவே ஆரிப் நகர்ப்பகுதியில் பொதுவாகவே சாக்கடைகள் தேங்கி நிற்கும் அவலம் உள்ளது. ஆனால் தற்போது பெய்த மழையால் ஆரிப் நகர் முழுவதும் சாக்கடையில் மழைநீர் தேங்கி வீட்டிற்குள்ளேயே கழிவு நீர் செல்லும் அவலம் ஏற்பட்டுள்ளது.

திருப்பத்தூர்

எனவே இது குறித்து பலமுறை புகார் அளித்தும் நடவடிக்கை எடுக்காத மாவட்ட நிர்வாகம் மட்டுமன்றி நகராட்சி நிர்வாகத்தைக் கண்டித்து தமிழ்நாடு முஸ்லிம் முன்னேற்றக் கழகம் கட்சியினர், ஆரிப்நகர் பகுதி மக்கள் சுமார் நூற்றுக்கும் மேற்பட்டோர் திருப்பத்தூர் நகரக் காவல் நிலையம் முன்பு திருப்பத்தூர் வழியாக வாணியம்பாடி செல்லும் சாலையில் அமர்ந்து மாவட்ட ஆட்சியரை கண்டித்து கண்டன கோஷங்கள் எழுப்பி மறியலில் ஈடுபட்டனர்.

இச்சம்பவம் அறிந்து வந்த திருப்பத்தூர் நகரக் காவல் நிலைய காவல் துறையினர், திருப்பத்தூர் நகராட்சி ஆணையர் ஏகராஜ் ஆரிப் நகர் பொதுமக்களிடம் சமரசம் பேசி நடவடிக்கை எடுப்பதாக உறுதி கூறினார்.

இருப்பினும் சமாதானம் ஆகாத பொதுமக்கள் மாவட்ட ஆட்சியர் இங்கு வந்தால் மட்டுமே கலைந்துசெல்வோம் என்று கூறியதன்பேரில் மாவட்ட ஆட்சியரின் நேர்முக உதவியாளர் வில்சன் ராஜசேகர் சம்பவ இடத்திற்கு வந்து நீங்கள் கொடுத்த மனு மீது நடவடிக்கை எடுக்கப்பட்டுள்ளது.

மேலும், இது பரிசீலனையில் உள்ளது. உங்களுடைய கோரிக்கை கூடிய விரைவில் நிறைவேற்றப்படும் என்று கூறியதன்பேரில் அனைவரும் கலைந்துசென்றனர்.

திருப்பத்தூர்

காவல் நிலையம் முன்பு சாலை மறியலில் ஈடுபட்டதால் சில மணி நேரம் போக்குவரத்து பாதிக்கப்பட்டது குறிப்பிடத்தக்கது.

இதையும் படிங்க: நீதிபதிகளின் இடமாற்றம்: கொலீஜியத்தின் நிலைப்பாடு குறித்து வழக்கறிஞர்கள் கருத்து