வாணியம்பாடி அருகே அரசு விழாவில் உணவு விநியோகம்: பொதுமக்களுக்கிடையே தள்ளுமுள்ளு

வாணியம்பாடியில் மின்சாரத்துறை சார்பில் நடைபெற்ற விழாவில் உணவு பொட்டலங்கள் வாங்க பெண்கள் மற்றும் முதியோர்கள் முண்டியடித்து சென்றதால் தள்ளுமுள்ளு ஏற்பட்டது.

திருப்பத்தூர்: வாணியம்பாடி அடுத்த மேட்டுப்பாளையம் பகுதியில் மின்சாரத்துறை சார்பில் ஒளிமிகு பாரதம் ஒளிமயமான எதிர்காலம் என்கின்ற பெயரில் நிகழ்ச்சி நடைபெற்றது. இந்நிகழ்ச்சியில் மின்வெட்டு மற்றும் மின் இணைப்பு பெறுவது குறித்து விழிப்புணர்வு கலை நிகழ்ச்சி நடைபெற்றது.

நிகழ்ச்சி முடிந்த பின் கூட்டத்திற்கு அழைத்து வரப்பட்ட பொதுமக்களுக்கு எல்இடி லைட் மற்றும் உணவு பொட்டலங்கள் மின்சாரத்துறை சார்பில் வழங்கப்பட்டது.

அப்போது பொதுமக்களை நிற்க வைத்து முறையாக உணவு பொட்டலங்கள் வழங்காததால் பொதுமக்கள் உணவு வாங்குவதில் முண்டியடித்து சென்றனர். இதனால் அங்கிருந்த பெண்கள் மற்றும் முதியோர்கள் உணவு வாங்க முடியாமல் சிரமப்பட்டனர்.

இதையும் படிங்க:மின் கட்டண உயர்வை கைவிடக் கோரி சிமினி விளக்கு ஏந்தி எஸ்டிபிஐ கட்சியினர் ஆர்ப்பாட்டம்