கரோனா வைரஸ் எதிரொலியாக தமிழ்நாடு அரசால் 144 தடை உத்தரவு அமல்படுத்தப்பட்டுள்ளது. அத்தியாவசிய தேவைகளுக்கு மட்டுமே மக்கள் வெளியே வரவேண்டும் என்று அரசு கட்டுப்பாடு விதித்துள்ளது.
மேலும் ஆங்காங்கே தடுப்புகளை அமைத்து காவல்துறையினர் மக்களை கண்காணித்துவருகின்றனர். இந்நிலையில் இன்று (மார்ச்29) தூத்துக்குடி மாவட்டம் கோவில்பட்டியில் 144 தடை உத்தரவையும் மீறி கடலையூர் சாலை, பார்க் ரோடு ஆகிய இடங்களில் உள்ள மீன் கடை, கோழிக்கடை, ஆட்டுக்கறிக் கடை ஆகியவற்றில் காலை முதலே பொதுமக்கள் குவிய தொடங்கினர்.
கரோனா எச்சரிக்கையையும் மீறி அசைவப் பிரியர்கள் கடைகளில் குவிய தொடங்கிய சம்பவம் தொடர்பாக கிழக்கு காவல் நிலைய காவல்துறையினர் மற்றும் நகராட்சி ஊழியர்களுக்கு தகவல் கிடைத்தது.
144 தடை உத்தரவையும் மீறி கறிக் கடைகளில் குவிந்தக் கூட்டம்